اوٽاوا – 21 آگسٽ (اي پي پي) ڪينيڊا جي صوبي برٽش ڪولمبيا جي ٻيلن ۾ تيزي سان پکڙجندڙ باهه تي ڪنٽرول لاءِ فوج کي طلب ڪيو ويو آهي، حڪومت 35 هزار ماڻهن کي محفوظ هنڌن ڏانهن منتقل ڪرڻ جون هدايتون جاري ڪيون آهن. فرانسيسي خابرو اداري موجب برٽش ڪولمبيا ۾ هنگامي حالت جو اعلان ڪيو ويو آهي ۽ غير ضروري سفر تي پابندي مڙهي وئي آهي. ويسٽ ڪيلوينا جي فائر چيف جيسن بولنڊ چيو آهي ته کيس گذريل چار ڏينهن ۾ باهه تي ضابطو آڻڻ کان پوءِ اميد نظر آئي آهي. هن چيو ته صورتحال ۾ بهتري آئي آهي ۽ فائر فائيٽرز باهه تي ضابطي آڻڻ لاءِ پاڻي جو استعمال ڪري رهيا آهن، جنهن هڪ لک 50 هزار آبادي واري شهر کي خطري ۾ وجهي ڇڏيو آهي.
