بغداد – 06 – جون (اي پي پي) پرڏيهي وزير بلاول ڀٽو زرداري عراق جي ٽن ڏينهن جي سرڪاري دوري جي موقعي تي عراق جي اسلامي سپريم ڪائونسل جي سربراهه حمام حمودي سان ملاقات ڪئي. پرڏيهي آفيس موجب ملاقات ۾ پاڪستان ۽ عراق جي وچ ۾ لاڳاپن ۽ گڏيل معاملن تي خيالن جي ڏي وٺ ڪئي وئي. ملاقات دوران پاڪستان ۽ عراق جي وچ ۾ صحت جي شعبي ۾ تعاون وڌائڻ تي پڻ خيالن جي ڏي وٺ ٿي. پرڏيهي وزير بلاول ڀٽو زرداري ان موقعي تي ڳالهائيندي چيو ته پاڪستان ۽ عراق مذهب ۽ روايتن جي ٻنڌڻ ۾ بهترين دوست ملڪ آهن.
