اسلام آباد – 01 – نومبر (اي پي پي) صدر ڊاڪٽر عارف علوي پارليامينٽ مان پاس ٿيل 3 بلن جي منظوري ڏئي ڇڏي. ايوان صدر جي پريس ونگ پاران جاري بيان موجب صدر ٽريڊ آرگنائيزيشنز (ترميمي) بل 2022ع جي توثيق ڪري ڇڏي. اينٽي ڊمپنگ ڊيوٽيز (ترميمي) بل 2022ع جي پڻ منظوري ڏئي ڇڏي. صدر تشدد ۽ حراست هيٺ موت (خاتمو ۽ سزائون) جو بل 2022ع پڻ منظور ڪيو. صدر ٽنهي بلن جي منظوري آئين جي آرٽيڪل 75 تحت ڏني. منظوري کانپوءِ ٽئي بل پارليامينٽ جي ايڪٽ جي صورت اختيار ڪري ويا.
