اسلام آباد – 02 – مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته حيران ڪندڙ ڳالهه آهي ته مخالف ڌر ۽ ميڊيا ۾ انهن جا همنوا پيٽرول ۽ بجلي جون قيمتون گهٽ ٿيڻ تي ڪاوڙيل آهن. اطلاعات ۽ نشريات واري وفاقي وزير پنهنجي هڪ ٽوئيٽ ۾ چيو ته عالمي منڊي ۾ قيمتن ۾ اضافي جي باوجود پاڪستان ۾ مهانگائي هيٺ وڃي رهي آهي. چوڌري فواد حسين چيو ته اهو اسان جي لاءِ اطمينان جو سبب هجڻ گهرجي نه ڪي پريشاني جو، مخالف ڌر کي اصل ڏک ايندڙ وارو نه ملڻ جو آهي.
