لاهور – 22 – آڪٽوبر (اي پي پي) وزيراعظم عمران خان سان صحت واري صوبائي وزير ڊاڪٽر ياسمين راشد ملاقات ڪئي. وزيراعظم آفيس جي ميڊيا ونگ مان جاري بيان موجب ملاقات ۾ نيشنل هيلٿ سروسز وارو خاص مددگار ڊاڪٽر فيصل سلطان به موجود هو. ا

ن موقعي تي حڪومت پاران پنجاب ۾ صحت جي نظام کي بهتر ڪرڻ لاءِ کنيل قدمن ۽ هيلٿ ڪارڊز جاري ڪرڻ جي حوالي سان اڳڀرائي تي خيالن جي ڏي وٺ ڪئي وئي. وزيراعظم کي ڪووڊ ويڪسينيشن مهم ۽ ڊينگي جي حوالي سان حڪومت پاران قدمن تي به بريفنگ ڏني وئي.

وزيراعظم ميانوالي ۽ اٽڪ ۾ ماءُ ۽ ٻار جي اسپتال ۽ حڪومت پاران ذهني صحت جي قدمن تي ڪم جي رفتار کي تيز ڪرڻ جي هدايت ڪئي.