اسلام آباد – 25 جنوري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پاڪستان سياحن جي لاءِ جنت آهي، ملڪ جي 70 سالا تاريخ ۾ پهريون ڀيرو 175 ملڪن جي لاءِ اي ويزا متعارف ڪرائي رهيا آهيون، سفارتي ڪارڊ جي مدو هڪ سال مان وڌائي 3 سال ڪري ڇڏيو آهي، 50 ملڪن جي لاءِ ويزا آن ارائيول جي سهولت ڏئي رهيا آهيون. پارليامينٽ هائوس ٻاهران ميڊيا سان ڳالهائيندي وفاقي وزير چيو ته پاڪستان پنج مهينن ۾ نئين ويزا پاليسي متعارف ڪرائڻ جي لاءِ ملڪ جي 70 سالا تاريخ ۾ جيڪو اهم قدم کنيو آهي، پاڪستان سياحن جي لاءِ جنت آهي.
