اسلام آباد – 15 آگسٽ (اي پي پي) صدر ممنون حسين آزادي جي ڏهاڙي جي موقعي تي پاڪ فضائيه جي آفيسرن کي نان آپريشنل فوجي اعزاز عطا ڪري ڇڏيا آهن. پاڪ فضائيه ۾ فخر جوڳي خدمتون سرانجام ڏيڻ تي ايئر مارشل سيد نعمان علي، ايئر وائيس مارشل سلمان احسن بخاري ۽ ايئر وائيس مارشل شهاب شفقت کي هلال امتياز (ملٽري) جا اعزاز عطا ڪيا ويا، پاڪ فضائيه جي 21 آفيسرن کي ستاره امتياز (ملٽري)، 18 آفيسرن کي تمغه امتياز (ملٽري)، 02 آفيسرن کي تمغه بسالت، 14 آفيسرن کي امتيازي سرٽيفڪيٽ ۽ 130 آفيسرن کي چيف آف ايئر اسٽاف تعريفي سرٽيفڪيٽن سان نوازيو ويو.
