اسلام آباد – 14 مئي (اي پي پي) پاڪستان ۾ اقتصادي ۽ صنعتي ترقي لاءِ پاڪ چين اقتصادي راهداري (سي پيڪ) تحت گڏيل ڪاروباري ماڊل سان گڏوگڏ اسڪل ڊولپمينٽ ۽ ڪاروباري ماڻهن جي گڏيل رابطن کي فروغ ڏنو پيو وڃي، سي پيڪ تحت انفرااسٽرڪچر، توانائي، اقتصادي زونز جي قيام سميت مختلف منصوبن جي تڪميل سان پاڪستان نه رڳو پائيدار ترقي حاصل ڪرڻ ۾ ڪامياب ٿيندو پر لکين جوانن کي روزگار جا موقعا ميسر ايندا ۽ عوام جي سماجي ڀلائي به يقيني ٿيندي، منفي تاثرن جي خاتمي ۽ منصوبي جي باري ۾ بهتر آگاهي جي ڏس ۾ ميڊيا جو ڪردار گهڻي اهميت وارو آهي، اهڙن خيالن جو اظهار سي پيڪ جي پراجيڪٽ ڊائريڪٽر حسان دائود بٽ سومر ڏينهن هتي ايسوسيئيٽيڊ پريس آف پاڪستان جي اهتمام هيٺ خابرو ادارن جي عالمي ڪانفرنس کي خطاب دوران ڪيو. ٻن ڏينهن واري عالمي ڪانفرنس جو موضوع .”پاڪستان جي ميڊيا – موقعا ۽ چئلينجز“ آهي.