لاهور – 13 مئي (اي پي پي) وزيراعظم شاهد خاقان عباسي چيو آهي ته تعليم کانسواءِ ڪو به معاشرو ترقي نه ٿو ڪري سگهي، گورنمينٽ ڪاليج يونيورسٽي ان حوالي سان پنهنجو اهم ڪردار ادا ڪري رهي آهي جنهن جا فارغ ٿيندڙ نه رڳو پاڪستان پر سڄي دنيا ۾ پنهنجو ڪردار ادا ڪري رهيا آهن. هو جي سي يونيورسٽي ۾ سالياني انڊونمينٽ فنڊ ٽرسٽ جي تقريب کي خطاب ڪري رهيو هو. پنجاب جو گورنر محمد رفيق رجوانه، اطلاعات ۽ نشريات واري وفاقي وزير مريم اورنگزيب، وفاقي وزير انوشه رحمان، وائيس چانسلر جي سي يونيورسٽي پروفيسر ڊاڪٽر حسن امير شاهه، صدر انڊونمينٽ فنڊ ٽرسٽ جي دي يو اقبال زيڊ ايم، سيڪريٽري ڊاڪٽر خالد بٽ، فيڪلٽي ميمبر، ڊونرز ۽ شاگردن جو وڏو انگ ان موقعي تي موجود هو.
