اسلام آباد – 28 اپريل (اي پي پي) ناڻي واري وفاقي وزير مفتاح اسماعيل ايندڙ مالي سال جي بجيٽ کي متوازن، حقيقت پسنداڻي ۽ مراعتن ۽ سهولتن واري بجيٽ قرار ڏيندي چيو آهي ته مسلم ليگ (ن) جي حڪومت 5 سالن ۾ مجموعي قومي پيداوار (جي ڊي پي) جي واڌويجهه جي شرح کي ٻيڻو ۽ ناڻي واڌ جي شرح کي 50 سيڪڙو تائين گهٽ ڪري ڇڏيو آهي جيڪا تمام وڏي ڪاميابي آهي، بجيٽ ۾ واڌويجهه جي شرح کي برقرار رکڻ جي لاءِ موثر قدمن تي ڌيان ڏنو ويو آهي، سمورا خرچ بجيٽ ۾ شامل ڪيا ويا آهن، ان لاءِ انهن خرچن ۾ اضافي جو امڪان نه آهي، وڌ کان وڌ ماڻهن کي ٽيڪس جي دائري ۾ آڻڻ جي لاءِ ڪوششون استعمال ۾ آنديون پيون وڃن، بيل آئوٽ پئڪيج جي لاءِ آءِ ايم ايف وٽ وڃڻ جو ڪو ارادو نه آهي. اهڙن خيالن جو اظهار هن مملڪتي وزير/ وزيراعظم جي خصوصي معاون هارون اختر خان سان گڏ پوسٽ بجيٽ پريس ڪانفرنس کي خطاب ڪندي ڪيو.
