اسلام آباد – 31 مارچ (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته وزيراعظم محمد نواز شريف جي پاليسي پاڙيسري ملڪن جي لاءِ پرامن پاڙيسريت واري آهي، پاڪستان ۽ افغانستان جو خطي ۾ امن جو مقصد هڪ آهي، ان ڏس ۾ ٻنهي ملڪن جي وچ ۾ تعاون جاري آهي. هو پاڪستان نيشنل ڪائونسل آف آرٽس (پي اين سي اي) ۾ سينٽر فار ريسرچ اينڊ سيڪيورٽي اسٽڊيز ۽ وومين اينڊ پيس اسٽيڊيز آرگنائيزيشن جي حصيداري سان ثقافت سرحد پار تقريب کي خطاب ڪري رهي هئي. افغان وفد کانسواءِ پاڪستان نيشنل ڪائونسل آف آرٽس جو ڊائريڪٽر جنرل جمال شاهه پڻ تقريب ۾ موجود هئا.