ڪوئيٽا – 02 مئي (اي پي پي) وزيراعظم محمد نواز شريف بلوچستان ۾ بجلي، گئس ۽ انفراسٽرڪچر جي اربين رپين جي ماليت جي ترقياتي منصوبن جو افتتاح ڪيو. وزيراعظم مختلف منصوبن جي تختي جي نقاب ڪشائي ڪئي. ان موقعي تي بلوچستان جو گورنر محمد خان اچڪزئي، وڏو وزير ثناءُ الله زهري، وفاقي ۽ صوبائي وزير، پارليامينٽ ميمبر ۽ سينيئر عملدار پن موجود هئا. وزيراعظم 220 ڪي وي خضدار گرڊ اسٽيشن ۽ 274 ڪلوميٽر خضدار – دادو ٽرانسميشن لائين جو افتتاح ڪيو جيڪا 7.35 ارب رپين جي لاڳت سان مڪمل ٿيندي. هن 227 ڪلوميٽر ڊگهي لورالائي – ڊي جي خان بجلي ٽرانسميشن لائين جو پڻ افتتاح ڪيو جنهن تي 2.731 ارب رپين جي لاڳت ايندي. انهن منصوبن جو مقصد بجلي جي طلب گهٽ ڪرڻ، وولٽيج ۾ بهتري آڻڻ ۽ ماڻهن جي لاءِ روزگار جا موقعا پيدا ڪرڻ آهي.