اسلام آباد – 22 اپريل (اي پي پي) اطلاعات ۽ نشريات واري وفاقي وزير سينيٽر پرويز رشيد نمل يونيورسٽي اسلام آباد ۾ مسلمانن جي رسم ۽ رواج جي عڪاسي تي ٻڌل ”ون بيلٽ ون روڊ“ تصويري فن پارن جي نمائش جو افتتاح ڪيو. نمائش جو اهتمام پاڪستان ۾ عوامي جمهوريه چين جي سفارتخاني ۽ نينگسيا اسلامڪ فرينڊلي ڪائونسل نمل  يونيورسٽي جي تعاون سان يونيورسٽي ڪئمپس ۾ ڪيو. ان موقعي تي چيني سفارتخاني جي ناظم الامور چائولي جيان ۽ نينگسيا اسلامڪ فرينڊلي ڪائونسل جي سربراهه هي ليانگ جي به موجود هئا. نمائش جي افتتاح جي موقعي تي صحافين سان ڳالهائيندي وفاقي وزير سينيٽر پرويز رشيد چيو ته اسلام آباد ۾ اها نمائش منعقد ڪرڻ پاڪستان ۽ چين جي عوام جي وچ ۾ ثقافتي ۽ گهرن ڀائراڻن لاڳاپن، چين جي حڪومت جي نسلي برابري ۽ مذهبي آزادي جي پاليسي، جنهن مان چين ۾ ملسمان هڪ جهڙن حقن مان فائدو کڻي رهيا آهن، جي عڪاس آهي.