جده – 20 فيبروري (اي پي پي) سعودي عرب جي ڪيترن ئي علائقن ۾ 4.1 شدت جي زلزلي جا لوڏا محسوس ڪيا ويا. سععودي خابرو اداري سعودي جيولوجيڪل سروي بورڊ جي حوالي سان ٻڌايو آهي ته گذريل ڏينهن ملڪ جي ڏکڻ اوڀر واري علائقي ۾ زلزلي جا لوڏا محسوس ڪيا ويا. بين الاقوامي ريڪٽر اسڪيل تي زلزلي جي شدت 4.1 رڪارڊ ڪئي وئي. زلزلي جو مرڪز سعودي عرب جي اوڀر ۾ 240 ڪلوميٽر پري عمان سلطنت ۾ 16 ڪلوميٽر جي اونهائي ۾ هو. زلزلي کانپوءِ ڪنهن جاني يا مالي نقصان جو اطلاع ناهي مليو.