اسلام آباد – 17 – جنوري (اي پي پي) انفارميشن گروپ جي گريڊ 21 جو آفيسر ۽ ايسوسيئيٽيڊ پريس آف پاڪستان (اي پي پي) جي مئنيجنگ ڊائريڪٽر اختر منير کي صدر جو پريس سيڪريٽري/ اطلاعات وارو صلاحڪار مقرر ڪيو ويو آهي. اطلاعات ۽ نشريات واري وفاقي وزارت ان ڏس ۾ باقاعده نوٽيفڪيشن جاري ڪري ڇڏيو آهي. هو 2 فيبروري تي پنهنجون ذميواريون سنڀاليندو. ان کان اڳ اختر منير صدر جي پريس سيڪريٽري جا فرض سرانجام ڏئي چڪو آهي. اختر منير 1992ع ۾ انفارميشن گروپ ۾ شامل ٿيو ۽ پنهنجي ڪيريئر ۾ هن مختلف وزارتن ۾ خدمتون سرانجام ڏنيون آهن. هو افغانستان جي گادي واري شهر ڪابل ۾ پاڪستاني سفارتخاني جو پريس قونصلر پڻ رهي چڪو آهي.