رياض – 15 آڪٽوبر (اي پي پي( وزيراعظم عمران خان جي سعودي فرمانروا خادم الحرمين الشريفين شاهه سلمان بن عبدالعزيز آل سعود سان رياض ۾ ملاقات ٿي. ملاقات ۾ ٻنهي اڳواڻن ٻطرفن لاڳاپن، خطي ۾ امن امان ۽ عالمي سياسي صورتحال تي خيالن جي ڏي وٺ ۽ ٻطرفي تعاون کي وڌيڪ وڌائڻ تي ڳالهه ٻولهه ڪئي. ملاقات ۾ وزيراعظم عمران خان علائقائي امن ۽ استحڪام خاطر خطي ۾ اختلافن ۽ تڪرارن جي سياسي ۽ سفارتڪاري ذريعي پرامن حل تي زور ڏنو.
