اسلام آباد – 11 آگسٽ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته لاهورين جي جذبي کي سلام پيش ڪريان ٿي، جنهن ان ريلي ۾ شرڪت ڪري ڪشميري عوام سان ڀرپور يڪجهتي جو اظهار ڪيو آهي، والاريل ڪشمير ۾ هيستائين هزارين عورتن جون عزتون پائمال ٿي چڪيون آهن، اسان کي ڪشميرين جي قربانين کي نه وسارڻ گهرجي، پاڪستاني جي حڪومت فيصلو ڪيو آهي ته هن سال عيدالاضحيٰ سادگي سان ملهائي ويندي، ڀارت ڄمون ۽ ڪشمير ۾ طرح طرح جا ظلم ڪري رهيو آهي، ڀارت ڪشميرين تي جيترو به ظلم ڪري وٺي پيلٽ گنز سان نه ته جذبو خريد ڪري سگهجي ٿو ۽ نه ئي آزادي جي جدوجهد کي دٻائي سگهجي ٿو، تاريخ گواهه آهي ته رياستي ڏاڍ سان آزادي جون تحريڪون نٿيون رڪجن، ڪشميرين جو جيڪو رت وهي رهيو آهي اهو هاڻي رنگ لائيندو، ڊاڪٽر فردوس عاشق اعواڻ اهڙن خيالن جو اظهار لبرٽي چوڪ ۾ منعقد ڪشميرين سان يڪجهتي جو اظهار لاءِ ڪڍيل ريلي کي خطاب ڪندي ڪيو.
