اسلام آباد – 13 نومبر (اي پي پي) وزيراعظم عمران خان کي يورپين پارليامينٽ جي صدر انتونيو تاجاني ٽيليفون ڪئي. وزيراعظم آفيس پاران جاري بيان موجب وزيراعظم عمران خان هڪ ٻئي جي مذهبي جذبن جي احترام جي ضرورت تي زور ڏيندي چيو ته مذهبي هم آهنگي جي فروغ لاءِ انفرادي ڳالهه ٻولهه سان گڏوگڏ هم آهنگي جي فروغ لاءِ ڊائيلاگ لازمي آهن. يورپين پارليامينٽ جي صدر انتونيو تاجاني آسيه بي بي ۽ ان جي خاندان جي تحفظ ۽ سيڪيورٽي يقيني بڻائڻ تي وزيراعظم عمران خان جا ٿورا مڃيا.
