حسن ابدال – 08 آگسٽ (اي پي پي) نگران وزيراعظم جسٽس (ر) ناصرالملڪ شاگردن تي زور ڏنو آهي ته اهي محنت ۽ لگن سان علم حاصل ڪرڻ جي لاءِ ڪوششون ڪن ۽ اخلاقي قدر سکڻ تي پڻ ڌيان ڏين. اهڙن خيالن جو اظهار هن واهه ۾ الماماتر پريزنٽيشن ڪانوينٽ هاءِ اسڪول جي دوري دوران ڳالهائيندي ڪيو. هن چيو ته تعليم معاشري ۾ مثبت تبديلي آڻڻ جي لاءِ اهم ڪردار ادا ڪري ٿي. وزيراعظم پنهنجي اسڪول جي 1957ع کان 1963ع جي شروعاتي سالن کي ياد ڪندي ٻڌايو ته هو 6 سالن جي عمر ۾ هڪ بورڊنگ شاگرد طور اسڪول ۾ داخل ٿيو هو.
