ٽوپي – 25 مئي (اي پي پي) صدر ممنون حسين چيو آهي ته پاڪ چين اقتصادي لنگهه ۽ هڪ پٽي هڪ رستو جي شاندار قدمن سان نه رڳو دنيا جو چهرو تبديل ٿيندو پر سياسي، اقتصادي ۽ ثقافتي سطحن تي نمايان تبديليون اينديون ۽ ان سان پوري خطي کي به فائدو ٿيندو. هن اهڙن خيالن جو اظهار ٽوپي ۾ غلام اسحاق خان انسٽيٽيوٽ آف انجنيئرنگ سائنسز اينڊ ٽيڪنالاجيز جي 21 هين ڪانووڪيشن کي خطاب ڪندي ڪيو. صدر چيو ته سي پيڪ الله تعاليٰ پاران هڪ نعمت آهي جنهن هن عظيم منصوبي جي ڪامياب تڪميل جي لاءِ ڀرپور ڪوششون استعمال ۾ آڻڻ جي لاءِ اسان جي ڪلهن تي وڏي ذميواري وڌي آهي. هن خاص طور تي نوجوانن تي زور ڏنو ته اهي سي پيڪ مان وڌ کان وڌ فائدو کڻڻ جي لاءِ پاڻ کي تيار ڪن ۽ اميد ظاهر ڪئي ته اهي عزم، ولولي ۽ مضبوط قوت ارادي سان اها ذميواري ادا ڪندا.
