لاهور – 06 جون (اي پي پي) قومي اسيمبلي جي اسپيڪر اسد قيصر شاعر مشرق ڊاڪٽر علامه محمد اقبال جي مزار تي حاضري ڏني ۽ گلن جي چادر چاڙهي ۽ فاتحه خواني ڪئي، مهمانن جي ڪتاب ۾ تاثرات لکيا. قومي اسيمبلي جي اسپيڪر جي آمد تي رينجرز جي دستي کيس سلامي پيش ڪئي، ان کانپوءِ اسپيڪر شاهي قلعي جو دورو به ڪيو هن بادشاهي مسجد ۾ نماز ظهر ادا ڪئي، قومي اسيمبلي ميمبرن جنيد اڪبر، فيض الله ڪموڪا ۽ سينيٽر ايوب آفريدي به ساڻس گڏ هئا.
