اسلام آباد – 28 فيبروري (اي پي پي) اطلاعات ۽ نشريات واري وفاقي وزير سينيٽر شبلي فراز چيو آهي ته پوري قوم ڄاڻي وٺي ته چونڊ نظام ۾ شفافيت جي اهم معاملي تي ڪير تاريخ جي ڪهڙي رخ تي بيٺل آهي، مخالف ڌر اوپن بيلٽ جي مخالف ملڪ ۾ ڪرپٽ نظام جو تسلسل چاهي ٿي. پنهنجي ٽوئيٽ ۾ وفاقي وزير سينيٽر شبلي فراز چيو ته مخالف ڌر ڌانڌلي واري نظام جي حامي ۽ شفافيت جي راهه ۾ ديوار بڻي جڏهن ته عمران خان چونڊ عمل ۾ شفافيت جي لاءِ پختي عزم سان بيٺل آهي. هن چيو ته پاڪستان تحريڪ انصاف اها پارٽي آهي جنهن نظام ۾ شفافيت ۽ ملڪ ۾ ڪرپشن جي خاتمي کي هڪ تحريڪ جي شڪل ڏني، عمران خان ان مقصد کي حاصل ڪرڻ جي جدوجهد تان پٺتي نه هٽندو.
