اسلام آباد – 15 جون (اي پي پي) منصوبابندي ۽ ترقي واري وفاقي وزير احسن اقبال چيو آهي ته بلوچستان ۽ خيبرپختونخواهه جون حڪومتون اقتصادي لنگهه منصوبي جي حوالي سان وفاقي حڪومت جي بريفنگ تي اعتماد جو اظهار ڪري چڪيون آهن، آل پارٽيز ڪانفرنس ۾ ڪيل فيصلن تي مڪمل عمل ٿيندو، پي ايس ڊي پي ۾ هڪلا ڊ يره اسماعيل خان سيڪشن جي لاءِ 22 ارب رپيا رکيا ويا آهن، سنڌ کي نظرانداز ڪرڻ جو تاثر صحيح نه آهي. سينيٽ ۾ اقتصادي لنگهه بابت سينيٽ جي خصوصي ڪميٽي جي رپورٽ تي ڳالهائيندي احسن اقبال چيو ته اقتصادي لنگهه جي حوالي سان ڪميٽي جي رپورٽ ۾ جيڪي معاملا اٿاريا ويا آهن انهن جو حقيقت سان ڪو تعلق نه آهي