اسلام آباد – 23 ڊسمبر (اي پي پي) چين جي صدر شي جن پنگ صدر ممنون حسين کي سندس سالگرهه جي موقعي تي مبارڪباد ۽ نيڪ خواهشن جو پيغام موڪليو آهي. صدر کي اهو پيغام چين جي سفير ينگ يائو خصوصي طور تي پهچايو. چيني صدر پنهنجي پيغام ۾ چيو ته پاڪستان ۽ چين گهرا دوست ۽ اسٽريٽجڪ حصيدار آهن جيڪي آزمائش جي هر موقعي تي هڪ ٻئي جي ڪم آيا آهن. هن چيو ته ٻنهي ملڪن جي وچ ۾ زندگي جي هر شعبي ۾ تعاون ۾ تيزي سان اضافو ٿي رهيو آهي جيڪو خوشي جوڳو آهي.
