اسلام آباد – 10 ڊسمبر (اي پي پي) وزيراعظم شاهد خاقان عباسي ان عزم کي ورجائيندي چيو آهي ته پاڪستان انساني حقن جي تحفظ جي حوالي سان پنهنجي علائقائي ۽ عالمي ذميوارين کان چڱي ريت آگاهه آهي، پاڪستان مذهبي تعليم ۽ آئين موجب سمورن انسانن جي برابري، بنيادي حقن، اخلاقي قدرن، گڏيل پرامن، واڌويجهه ۽ اختلاف راءِ جي احترام ۽ ڪنهن به شڪل ۾ امتيازي سلوڪ کان تحفظ جي لاءِ پرعزم آهي. انساني حقن جي عالمي ڏينهن جي موقعي تي پنهنجي پيغام ۾ وزيراعظم چيو ته پاڪستان انساني حقن جي تحفظ ۽ فروغ جي لاءِ پرعزم آهي.
