اسلام آباد – 29 نومبر (اي پي پي) وفاقي گهرو وزير احسن اقبال چيو آهي ته عمران خان سياست جو فسادي بابا آهي جيڪو باهه لڳائڻ جي لاءِ ماچس جي تيلي کڻي هر جڳهه تي پهچي وڃي ٿو، ختم نبوت صه جو قانون قيامت تائين نه ٿو بدلائجي سگهجي. پي آءِ ڊي ۾ پريس ڪانفرنس کي خطاب ڪندي گهرو وزير چيو ته وزيراعظم شاهد خاقان عباسي اڄ به بجلي جي هڪ منصوبي جو افتتاح ڪيو آهي جنهن تي هو قوم کي مبارڪباد ڏي ٿو، موجوده حڪومت جي دور ۾ 7 هزار ميگاواٽ اضافي بجلي جي پيداوار حاصل ٿي رهي آهي، اسان 10 هزار ميگاواٽ جو واعدو ڪيو هو جنهن مان 7 هزار بجلي قومي نظام ۾ شامل ٿي وئي آهي.