اسلام آباد – 17 آڪٽوبر (اي پي پي) وزيراعظم عمران خان ملڪ ۾ اسمگلنگ ۽ غير قانوني واپار جي روڪٿام لاءِ ضم ٿيل ضلعن ۽ بلوچستان جي سرحدي علائقن ۾ چيڪ پوسٽن تي جامع چيڪنگ کي يقيني بڻائڻ، ڪسٽم اٿارٽي ۽ سينٽرل نروس ڊيٽا بئنڪ قائم ڪرڻ، سرحدي چيڪ پوسٽن جي نظام کي خودڪار بڻائڻ جي منظوري ڏئي ڇڏي آهي، انهن علائقن جي نوجوانن جي صلاحيت ۾ اضافي لاءِ تربيت، افرادي قوت لاءِ ٽيڪس فري صنعتي زون بڻائڻ ۽ اڻ پڙهيل ماڻهن کي ليبر ويزا تي قطر موڪليو ويندو، انهن علائقن ۾ اسمگلنگ سان هر سال 1100 ارب روپيا جڏهن ته روينيو جي مد ۾ 3431.94 ملين يو ايس ڊالر جو نقصان ٿي رهيو آهي. وزيراعظم عمران خان جي صدارت ۾ اعليٰ سطحي اجلاس کانپوءِ ميڊيا کي بريفنگ ڏيندي وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ ٻڌايو ته وزيراعظم عمران خان جي صدارت ۾ اسمگلنگ ۽ غير قانوني واپار جي روڪٿام لاءِ ٿيندڙ اعليٰ سطحي اجلاس ۾ چئني صوبن جي چيف سيڪريٽريز، آئي جيز، پنجاب ۽ خيبرپختونخوا جي وڏن وزيرن ۽ ٻين صوبن جي نمائندن شرڪت ڪئي.
