اسلام آباد – 11 آڪٽوبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته 27 آڪٽوبر تي ڪشميري عوام والاريل ڪشمير ۾ ڀارتي ناانصافين ۽ رياستي استحصال خلاف ڪاري ڏينهن طور ملهائيندي آهي، مولانا فضل الرحمان ان ڏينهن کي قوم ۾ انتشار وجهڻ لاءِ چونڊيو آهي ۽ اهو ان ڏينهن قوم کي گڏ ڪرڻ بدران ڇڙوڇڙ ڪرڻ چاهي ٿو جنهن سان ان جا ناپاڪ ارادا کُلي قوم جي سامهون اچي ويا آهن. نجي ٽيلي ويزن سان ڳالهائيندي هن چيو ته قوم متحد ۽ هڪ زبان ٿي ان جي ارادن جي سامهون جبل وانگر بڻجي ويندي ۽ ڀارتي جارحيت کي للڪاريندي رهندي، قوم 27 آڪٽوبر کي ڪاري ڏينهن طور ملهائيندي
