اسلام آباد – پهرين آڪٽوبر (اي پي پي) وفاقي ڪابينا وزيراعظم عمران خان کي گڏيل قومن جي اجلاس ۾ مظلوم ڪشميرين جو ڪيس ڀرور انداز ۾ پيش ڪرڻ ۽ ڀارتي حڪومت پاران غيرقانوني ۽ ظالماڻن قدمن کي بي نقاب ڪرڻ تي مبارڪباد پيش ڪئي آهي، وفاقي ڪابينا گوادر بندرگاهه کي ٽيڪسيشن کان ڇوٽ ڏيڻ، اي ڪامرس پاليسي ۽ حلال فوڊ اٿارٽي قائم ڪرڻ جي لاءِ بين الوزارتي ڪميٽي جي جوڙجڪ جي منظوري ڏيندي ڊينگي جو مرض پکڙڻ، مصنوعي طور تي اٽي جي قيمت ۾ اضافي جي شڪايت تي ڳڻتي جو اظهار ڪيو آهي. وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ، وزيراعظم عمران خان جي صدارت ۾ وفاقي ڪابينا جي اجلاس کانپوءِ ميڊيا کي بريفنگ ڏئي رهي هئي.
