نيويارڪ – 26 سيپٽمبر (اي پي پي) پرڏيهي وزير شاهه محمود قريشي چيو آهي ته ڀارت والاريل ڄمون ۽ ڪشمير جي 80 لک انسانن کي يرغمال بڻائي رکيو آهي، عالمي ادارا ۽ آءِ آر سي جهڙين انساني حقن جي علمبردار تنظيمن کي اڳتي اچڻ ۽ 80 لک بي گناهه ڪشميرين کي ڀارتي ظلم ۽ ڏاڍ کان بچائڻ لاءِ پنهنجو موثر ڪردار ادا ڪرڻو پوندو. پرڏيهي آفيس جي ترجمان موجب اها ڳالهه هن گڏيل قومن جي جنرل اسيمبلي جي 74 هين اجلاس جي موقعي تي برطانيه جي اڳوڻي پرڏيهي سيڪريٽري ۽ عالمي ريسڪيو ڪميٽي جي چيئرمين ڊيوڊ ملي بينڊ سان ملاقات دوران چئي.
