اسلام آباد – 11 آگسٽ (اي پي پي) سينيٽ چيئرمين محمد صادق سنجراڻي قوم کي آزادي جي ڏهاڙي جي مبارڪباد ڏني آهي، پاڪستان جي 72 هين آزادي جي ڏهاڙي جي موقعي تي قوم جي نالي مبارڪباد واري پيغام ۾ هن چيو ته هلندڙ سال پوري قوم يوم آزادي کي خصوصي جذبي ۽ عزم سان ملهائي رهي آهي، هن چيو ته اسان جي بزرگن پاڪستان کي روشن خيال ملڪ بڻائڻ لاءِ لازوال قربانيون ڏنيون آهن ۽ هاڻي اها اسان سڀني جي ذميداري آهي ته انهن جي مقدس مشن جي تڪميل ۽ ايندڙ نسلن جي مستقبل کي محفوظ بڻائڻ لاءِ پنهنجو ڪردار ادا ڪريون.
