اسلام آباد – 10 آگسٽ (اي پي پي) ڪشمير جي بگڙجندڙ صورتحال تي پارلياماني سفارتڪاري لاءِ قومي اسيمبلي جي اسپيڪر اسد قيصر ٻئي ڏينهن به دوست ملڪن جي پارليامينٽ جي سربراهن سان رابطي جي سلسلي ۾ ايران جي مجلس اسلامي جي سربراهه ڊاڪٽر علي لاريجاني سان ٽيليفون تي رابطو ڪيو ۽ چيو ته ڪشمير جي مسئلي کي آئنده ٿيندڙ اسپيڪر ڪانفرنس جي ايجنڊا ۾ رکيو ويندو، اسپيڪر علي لاريجاني کي ڀارت طرفان ڪشميرين تي ڪيل ظلمن ۽ والاريل ڪشمير جي موجوده صورتحال کان آگاهه ڪيو، هن ڀارتي آئين ۾ هڪطرفي ترميم جي ذريعي ڪشمير جي خصوصي حيثيت تبديل ڪرڻ جي ظالماڻي ڀارتي قدم کان آگاهه ڪيو.