اسلام آباد – 03 جولاءِ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاق اعواڻ چيو آهي ته وزيراعظم عمران خان جو عزم آهي ته ڪارو ڌن ختم ڪيو ويندو، ملڪ ۾ ڪابه ملڪيت بي نامي نه رهندي، سڀني کي ٽيڪس نام جو حصو بڻائڻو پوندو، حڪومت آئين ۽ قانون موجب عمل ڪندي ۽ ڪنهن بليڪ ميلنگ ۾ نه ايندي، مسلم ليگ (ن) کان عوام اميد ڪري رهي هئي ته اها منشيات اسمگلنگ جي الزام ۾ گرفتار راڻا ثناءُ الله سان لاتعلقي جو اظهار ڪندي، اسان مخالف ڌر جي سياسي انتقام جي بيانيي کي رد ڪريون ٿا. صحافين سان ڳالهائيندي هن چيو ته مخالف ڌر اڳواڻ منشيات اسمگلنگ جي الزام ۾ گرفتار راڻا ثناءُ الله جو دفاع ڪيو آهي.
