اسلام آباد – 04 جون (اي پي پي) ريلوي واري وفاقي وزير خواجه سعد رفيق چيو آهي ته ٽي او آرز بابت حڪومت ۽ اپوزيشن جي وچ ۾ نه ڊيڊلاڪ هو ۽ نه ئي هاڻي آهي، اسان جو موقف اتفاق راءِ سان اڳتي وڌڻ آهي، پوري ڪوشش آهي ته مخالف ڌر جا سوال ضابطه ڪار ۾ شامل ڪيا وڃن. پارليامينٽ هائوس ٻاهران ميڊيا سان ڳالهائيندي خواجه سعد رفيق چيو ته ڪميٽي جا سمورا ميمبر ذميداري سان ڪم ڪري رهيا آهن، هاڻي تائين مخالف ڌر طرفان ٽي دستاويز پيش ڪيا ويا آهن.
