استنبول – 19 آڪٽوبر (اي پي پي) وزيراعظم شاهد خاقان عباسي اسرندڙ ملڪن جي تنظيم ڊي 8 جي نائين سربراهه اجلاس ۾ پاڪستان جي نمائندگي لاءِ استنبول پهچي ويو، استنبول جي ڊپٽي گورنر مهمت علي الوتاس استنبول انٽرنيشنل ايئرپورٽ تي وزيراعظم جو استقبال ڪيو، پرڏيهي وزير خواجه محمد آصف به وزيراعظم سان گڏ ڪانفرنس ۾ شرڪت ڪري رهيو آهي، معاشي تعاون تي ڊي ايٽ تنظيم جو نائون اجلاس ترڪي جي شهر استنبول ۾ ٿي رهيو آهي، اجلاس ۾ ميمبر ملڪن جا ملڪي ۽ حڪومتي سربراهه شرڪت ڪري رهيا آهن، اسلامي ملڪن جي تنظيم ڊي ايٽ ۾ مصر، ايران، بنگلاديش، انڊونيشيا، ملائيشيا، نائيجيريا، ترڪي ۽ پاڪستان شامل آهن.
