اسلام آباد – 23 مارچ (اي پي پي) قرارداد پاڪستان کي 79 سال پورا ٿيڻ تي پاڪستان ڏهاڙو ملي جوش ۽ جذبي سان ملهايو ويو ۽ ان عزم کي ورجايو ويو ته قرارداد پاڪستان جي روشني ۾ ملڪ کي عظيم کان عظيم تر بڻائينداسين. پاڪستان ڏهاڙي جي مرڪزي تقريب پريڊ گرائونڊ ۾ صبح 9 وڳي شروع ٿي جنهن ۾ ٽنهي هٿياربند فوج جي دستن گڏيل پريڊ ۾ حصو ورتو. تقريب جا خاص مهمان صدر ڊاڪٽر عارف علوي ۽ ملائيشيا جو وزيراعظم مهاتير محمد هُئا، جڏهن ته تقريب ۾ وزيراعظم عمران خان، سروسز چيفس، وفاقي وزيرن، پرڏيهي سفارتڪارن کانسواءِ وڏي انگ ۾ مهمانن شرڪت ڪئي.