اسلام آباد – 05 فيبروري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته ڀارتي فوج والاريل ڪشمير ۾ ظلم جا پهاڙ ٽوڙي ڇڏيا آهن، ڪشمير ۾ جدوجهد جي تحريڪ هاڻي دٻائي نه ٿي سگهجي، ڪشمير جو معاملو ڀارت کان سنڀالجي نه رهيو آهي، پهرين ڀارت ڪشمير تي قبضو ڪيو هاڻي ڪشمير جي بيانيي ڀارت کي قابو ڪري ورتو آهي. اهڙن خيالن جو اظهار هن ايوان صدر ۾ ڪشمير سان يڪجهتي جي ڏهاڙي جي حوالي سان سيمينار کي خطاب ڪندي ڪيو.
