اسلام آباد – 13 ڊسمبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پبلڪ اڪائونٽس ڪميٽي جي جوڙجڪ جي حوالي سان مسلم ليگ (ن) جي منطق عجيب آهي، وڏي ڀاءُ جي حڪومتي دور جي منصوبن جو آڊٽ ننڍو ڀاءُ ڪيئن ڪري سگهي ٿو، هاڻي هي چئي رهيا آهن ته قومي اسيمبلي جي ڪارروائي نه هلڻ ڏينداسين، اهي ڪميٽين جي جوڙجڪ ۾ به رڪاوٽ بڻيل آهن. هو پارليامينٽ هائوس ٻاهران ميڊيا سان ڳالهائي رهيو هو.
