اسلام آباد – 24 نومبر (اي پي پي( صدر ڊاڪٽر عارف علوي سان آزاد ڪشمير جي اڳوڻي وزيراعظم ۽ پي ٽي آءِ ڪشمير جي صدر بئريسٽر سلطان محمود چوڌري جي ايوان صدر اسلام آباد ۾ هڪ ڪلاڪ تفصيلي ملاقات، ان موقعي تي صدر پاڪستان ڊاڪٽر عارف علوي چيو ته اسان ڪشميرين سان گڏ بيٺل آهيون پاڪستاني عوام جي رت ۾ ڪشمير ڊوڙي رهيو آهي، اسان ڪشميري عوام کي ڪڏهن اڪيلو نه ڇڏينداسين، ڀارت والاريل ڪشمير ۾ وڏي پئماني تي انساني حقن جون خلاف ورزيون ڪري رهيو آهي ۽ اتي گورنر راڄ لاڳو ڪري ڪشميري عوام تي ظلم ۾ وڌيڪ اضافو ڪيو ويو آهي.
