اسلام آباد – 12 نومبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته وزيراعظم عمران خان ميڊيا جي رهتن جي فوري ادائيگي جي هدايت ڪئي آهي، ادائيگين جو فيصلو اهم آهي، ميڊيا انڊسٽري تي مثبت اثر پوندا، ادائيگين جي نتيجي ۾ ميڊيا ورڪرز کي ڪڍڻ جو سلسلو روڪڻ ۾ مدد ملندي. اطلاعات ۽ نشريات واري وفاقي وزير وزيراعظم عمران خان جي صدارت ۾ ميڊيا بابت اجلاس جي حوالي سان پنهنجي وڊيو پيغام ۾ چيو ته گذريل ڪجهه هفتن کان ميڊيا جي ماڻهن کي ڪڍيو پيو وڃي، پي ٽي آءِ حڪومت واعدو ڪيو هو ته ماڻهن کي روزگار ڏنو ويندو ۽ بيروزگاري کان بچايو ويندو .