اسلام آباد – 14 سيپٽمبر (اي پي پي) قومي اسيمبلي جي اسپيڪر اسد قيصر چيو آهي ته جمهوريت اقتصادي ۽ سماجي ترقي عالمي امن ۽ سلامتي سان گڏوگڏ انساني بنيادي حقن ۽ آزادي جي ضمانت ڏي ٿي، امن انساني حقن ۽ ترقي جي هدفن کي حاصل ڪرڻ لاءِ جمهوريت جو هئڻ اڻٽر آهي، اهڙن خيالن جو اظهار هن جمهوريت جي عالمي ڏهاڙي جي موقعي تي ڪيو، جيڪو سڄي دنيا ۾ هر سال 15 سيپٽمبر تي ملهايو ويندو آهي، قومي اسيمبلي جي اسپيڪر چيو ته جمهوري نظام هڪ گڏيل قدر آهي جنهن جي بنياد تي عوام آزاداڻي طور تي سياسي، اقتصادي، ثقافتي نظام ۾ شرڪت ڪري سگهي ٿي.
