اسلام آباد – 18 آگسٽ (اي پي پي) پاڪستان تحريڪ انصاف جي سينئر اڳواڻ ۽ اطلاعات ۽ نشريات واري نامزد وفاقي وزير فواد چوڌري چيو آهي ته پهريون ڀيرو ڪنهن پوئتي پيل علائقي مان پنجاب جو وڏو وزير نامزد ڪيو ويو آهي، عثمان بوزدار جي وڏي وزير طور چونڊ وزيراعظم عمران خان ڪئي، پارٽي وزيراعظم عمران خان کي ان فيصلي جو اختيار ڏنو هو، عثمان بوزدار جي خلاف الزامن ۾ ڪنهن قسم جي ڪا حقيقت نه آهي، اهڙن خيالن جو اظهار هن نجي ٽي وي سان ڳالهائيندي ڪيو.
