اسلام آباد – 18 آگسٽ (اي پي پي) نئين چونڊيل وزيراعظم عمران خان پنهنجي عهدي جو حلف کڻي ورتو آهي، صدر ممنون حسين نئين چونڊيل وزيراعظم کان ايوان صدر ۾ هڪ سادي ۽ پروقار تقريب ۾ حلف ورتو، ان موقعي تي عهدو ڇڏيندڙ نگران وزيراعظم جسٽس ( ر) ناصرالملڪ پڻ موجود هو، تقريب ۾ خاتون اول بشريٰ بي بي سميت آزاد ڪشمير جي صدر سردار مسعود خان، سينيٽ جي وقتي چيئرمين سليم مانڊوي والا، قومي اسيمبلي جي اسپيڪر اسد قيصر، سروسز چيفس ۽ ٻيا مهمان موجود هئا. ڀارت جي اڳوڻي ڪرڪيٽر نوجوت سنگهه سڌو کي حلف برداري تقريب ۾ شرڪت لاءِ خصوصي دعوت ڏني وئي هُئي اهو تقريب ۾ سڀني جي نگاهن جو مرڪز رهيو.
