اسلام آباد – 17 آگسٽ (اي پي پي) نئون چونڊيل وزيراعظم عمران خان 1992ع ۾ عالمي ڪرڪيٽ جي ميدان ۾ فتح جو جهنڊو بلند ڪرڻ کانپوءِ گهٽ ۾ گهٽ 22 سالن جي سياسي جدوجهد جي نتيجي ۾ پارلياماني ميدان ۾ به سرخرو ٿي ويو آهي ۽ هو اڄ ڇنڇر ڏينهن وزارت عظميٰ جي عهدي جو حلف کڻندو. 65 سالن جو عمران خان پنهنجي غير معمولي تيز بالنگ ۽ آل رائونڊ صلاحيت سبب سڄي دنيا ۾ مشهور ٿيو، هاڻي هن 2018ع جي عام چونڊن ۾ پاڪستان تحريڪ انصاف جي اڪثريتي سيٽون حاصل ڪرڻ سان سياسي پچ تي به شاندار ڪاميابي حاصل ڪئي آهي، عمران خان جو سياسي سفر ٻه ڏهاڪن کان وڌيڪ عرصي تي ٻڌل آهي، ان دوران هن ڪيترائي لاها چاڙها ڏٺا
