اسلام آباد – 14 سيپٽمبر (اي پي پي) سينيٽ ۾ قائد ايوان سينيٽر راجا ظفرالحق چيو آهي ته وزيرن کي پارليامينٽ کي اهميت ڏيڻ گهرجي، وزيرن جي نه اچڻ جي معاملي کي ڏٺو ويندو. سينيٽ جي اجلاس ۾ سينيٽ چيئرمين پاران ڌيان ڇڪرائڻ تي قائد ايوان راجا ظفرالحق چيو ته اڄ غيرمعمولي ڏينهن هو، آئون هن ايوان ۾ اڪيلو هئس، ميمبر به نه هئا ۽ وزير به نه هئا، اسان کي پارليامينٽ کي پوري اهميت ڏيڻ گهرجي، اها اسان جي پوري ذميواري آهي.
