اسلام آباد – 05 جولاءِ (اي پي پي) اطلاعات، نشريات ۽ قومي ورثي واري وفاقي وزير بئريسٽر سيد علي ظفر چيو آهي ته پائيدار امن کي يقيني بڻائڻ جي لاءِ دنيا کي عدم برداشت ۽ ناانصافين جي خلاف ۽ هم آهنگي ۽ امن جي قدرن جي فروغ لاءِ متحد ٿيڻ جي ضرورت آهي. هو مقامي هوٽل ۾ ايشيائي تهذيب ۽ تمدن پاڪستان بابت سوسائٽي جي اهتمام هيٺ پاڪستان جي گهڻ رخي ثقافتي امن، برداشت ۽ محبت جا قدر جي موضوع تي منعقد عالمي سيمينار کي خطاب ڪري رهيو هو. هن چيو ته ڪنهن به قسم جو عدم برداشت انسانيت سان ناانصافي آهي.
