اسلام آباد – 30 مئي (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته جمهوريت جو 10 سالا تسلسل هڪ اهم سنگ ميل آهي، ايندڙ عام چونڊن ۾ ڪارڪردگي تي ووٽ وٺي پاڪستان مسلم ليگ (ن) ٻيهر وڏي اڪثريت سان ڪاميابي حاصلڪندي، 5 سالن جي مدي جي ڪارڪردگي لکندي ميڊيا جو قلم نه رڪجڻ گهرجي، ميڊيا 5 سالا حڪومتي ڪارڪردگي کي شفاف انداز ۾ پيش ڪري، ڪارڪردگي جي حوصلا افزائي سان پاڪستان ۽ جمهوريت کي سگهه ملندي. هو اي پي اين ايس ايوارڊ تقريب کي خطاب ڪري رهي هئي. تقريب جو خصوصي مهمان وزيراعظم شاهد خاقان عباسي هو. وفاقي وزير مريم اورنگزيب چيو ته اي پي اين ايس کي هر سال ان روايت کي برقرار رکڻ تي مبارڪباد پيش ڪريان ٿي.
