اسلام آباد – 10 مئي (اي پي پي) قومي خابرو اداري ايسوسيئيٽڊ پريس آف پاڪستان جي اهتمام هيٺ ٻن ڏينهن واري عالمي ڪانفرنس آف نيوز ايجنسيز (آءِ سي اين اي) 13 مئي تي اسلام آباد ۾ شروع ٿيندي جيڪا سڄي دنيا ۾ پاڪستان جو اعتدال پسند تشخص پيش ڪرڻ لاءِ پاڪستان جي امن ڪوششن کي اجاگر ڪرڻ ۽ عالمي سطح تي سهڪار کي وڌيڪ فروغ ڏيڻ ۾ مددگار ثابت ٿيندي. پاڪستان جي 70 هين آزادي جي ڏهاڙي جي تقريبن جي مناسبت سان منعقد ٿيندڙ هي ڪانفرنس 1990ع کانپوءِ پنهنجي نوعيت جي ٻي ڪانفرنس هوندي جنهن ۾ پنهنجي قيام کانپوءِ سفر کي نمايان ڪرڻ ۽ موجوده ڊجيٽل دور ۾ بيروني دنيا سان ٻه طرفي لاڳاپن کي وڌيڪ سگهه ڏيڻ جي ڪوششن کي اجاگر ڪيو ويندو.
