اسلام آباد – 26 جنوري (اي پي پي) صدر ممنون حسين ۽ انڊونيشيا جي صدر جوڪو ودودو افغانستان ۾ امن جي لاءِ ڪم ڪرڻ تي اتفاق ڪندي چيو آهي ته خطي ۾ ترقي ۽ خوشحالي لاءِ وچ ايشِا ۽ افغانستان ۾ امن ضروري آهي جنهن لاءِ ٻئي ملڪ گڏجي ڪم ڪندا، ٻنهي اڳواڻن اهڙن خيالن جو اظهار جمعي ڏينهن ايوان صدر ۾ ملاقات ۾ ڪيو، ملاقات ۾ انڊونيشيا جو اقتصادي معاملن جي وزير جو ڪوآرڊينيٽر ڊارمين نوسيشن، پرڏيهي وزير ريٽنو ايل پي مرسودي، واپار وارو وزير اينگر ٽيسٽو ڪيتو ۽ سفير ايوان سيو دي امري ۽ پاڪستاني وفد ۾ پاڪستان وارو وزير پرويز ملڪ، گهرو وزير احسن اقبال، پرڏيهي سيڪريٽري تهمينه جنجوعه سميت اعليٰ سطحي وفد شامل هو
