اسلام آباد – 23 جولاءِ (اي پي پي) پاڪستان مسلم ليگ (ن) جي اڳواڻ ۽ قومي اسيمبلي ميمبر طلال چوڌري چيو آهي ته تحريڪ انصاف جي چيئرمين عمران خان پاڻ اعتراف ڪيو آهي ته وٽس فليٽ خريد ڪرڻ جي مني ٽريل نه آهي، ٻين کان ته هو سڄي خاندان جي ڪاروبار جو سڄو رڪارڊ چاهي ٿو، هر هڪ شيءَ جي مني ٽريل چاهي ٿو پر جڏهن کانئس مني ٽريل گهري وڃي ٿي ته هو ڪوڙ جي ٽريل ڏيڻ شروع ڪري ڇڏي ٿو. اهڙن خيالن جو اظهار هن هڪ نجي ٽي وي چينل سان ڳالهائيندي ڪيو.